تحدث حسين الشحات لاعب النادي الأهلي على تتويج الأهلي ببطولة بطل إفريقيا وأسيا والمحيط الهادي على حساب نادي العين الإماراتي.
وقال حسين الشحات خلال لقاءه مع الإعلامي أحمد شوبير في برنامج حارس الأهلي المذاع على قناة الأهلي: «ماتش العين كانت بطولة جديدة من فيفا متحققتش في تاريخ النادي قبل كده وكلنا كنا عايزين نحققها ولما نزلنا منظر الجمهور خلى جسمنا يقشعر، وكل اللعيبة كانت نازلة من اول دقيقة عايزة تعمل حاجة ومخلناش فرقة العين تاخد نفسها من اول دقيقة وكانوا مختلفين عن الماتشات اللي اتفرجنا عليهم فيها بسبب الجمهور والضغط من كل لاعب».
وأضاف الشحات: «احنا كلنا كان عندنا يقين بالله اننا هنكسب، حتى في اخر ضربة بتاعة شيكابالا ولو سجلها هنخسر، كنا واقفين كلنا مع بعض وقلنا ياجماعة منسبش ايد بعض وان شاء الله هنكسب، والسولية قال ان شاء الله الشناوي هيصد وفعلا اتعامل معاها بهدوء وذكاء والحمد لله كسبنا».
