شهدت قرية ميت حبيش البحرية التابعة لمركز طنطا بمحافظة الغربية منذ قليل حالة من الفرحة والسعادة البالغة بين صفوف الأسر والعائلات عقب تحقيق البطل الدولي حامد خلاف الملقب بـ "الدبابة" لقبا عالميا جديدا في القوة البدنية، و حصده ميداليتين ذهبيتين في الديدليفت والعاب القوي البدنية في بطولة العالم بالولايات المتحدة الأمريكية.
وكان الكابتن حامد خلاف لاعب مصر في العاب القوي البدنية والديد ليفت حصد ميداليتين ذهبيتين للمرة الثانية على التوالي والثالثة في تاريخه في بطولة كأس العالم بأمريكا وسط أجواء من الفرحة والسعادة علي وجوه أبناء وأعضاء البعثة المصرية .
واضاف البطل المصري عقب تتويجه باللقب وعودته لمنزل أسرته بقرية ميت حبيش بمركز طنطا بقوله "الحمد لله والشكر لله ..ذهبيتين في بطولة العالم بامريكا 2024 .. وفعلا لكل مجتهد نصيب والحمد لله بعد تعب ومجهود كبير وصبر كبير أعرف أن عوض ربنا ليك هيكون كبير أوي وأنا بقول الحمد لله " .
كما أضاف "خلاف" بقوله "الضحكة اللي في الصورة دي بعد عرق وتعب وتخسيس أكتر من 9 كيلو ف يومين وإصابة البنش اللي ضيعت 20 كيلو من مجموعتي بس الحمد لله قولت لازم أعوض في الديدلفت والحمد لله مجموعة جديدة 962.5 كجم في ميزان ال140 أرقام جديدة 400 سكوات و 372.5 ديدليفت أعلي مجموعة في البطولة بفضل لله حصولي علي ذهبية القوة الكاملة و ذهبية الديدليفت و أشكر الجميع من قلبي علي دعمكم وتشجيعكم الجميل واشكر اهلي ابويا واخواتي وزوجتي وحبايبي كلهم انتم الظهر والسند .
كما اختتم البطل المصري بقوله "أشكر أصحابي وحبايبي كل واحد باسمه وانتهاء المهمة علي خير الحمد لله" .
من ناحية أخري وجه الحاج محمد خلاف في رسالته إلي نجله البطل بقوله :"انا جيتله المطار عشان هو سندي في الحياة وربنا يحميك يا ابني ودائما ترفع راس كل المصريين وربنا يزيدك " .
وتابع والد البطل المصري :"لحظات دموع الفرح لم تفارق عيني ودايما ببقي فرحان لتفوقه رياضيا في كافة المحافل الدولية والعالمية " .
من ناحية أشاد الكابتن حسام خلاف شقيق البطل المصري بمجهوداته في مجال ألعاب القوي البدنية والديد ليفت بكسر وتحطيم اللقب الجزائري مشيرا بقوله :"ربنا يوفقك يا حبيبي و ينصفك دايما وتستحق كل التكريم من كافة المسئولين في الرياضة ومنتظرين دايما يرفع راية مصر في كل مكان".
يذكر أن خلاف حصل على العديد من البطولات والميداليات الذهبية و الفضية في عدد كبير من بطولات العالم داخل مصر وخارجها.
![](http://pinterest.com/pin/create/button/?url=https://almesasport.com/egypt/290523.html&media=https://almesasport.com/temp/resized/medium_2024-11-18-e1d0851743.jpg&description=لحظات
فرحة..
وصول"حامد
خلاف"
الدبابة
المصرية
عقب
التتويج
بميداليتين
ذهبيتين
بأمريكا .. بوابة المساء الاخباري){kind=link}