قال الإعلامي عمرو أديب، إن مصر أصبحت بلد المليون مطعم، حيث يوجد كمية مطاعم مذهلة، ويتم افتتاح مطعم جديد يوميا، ومعنى وجود عدد كبير من المطاعم أن يكون هناك عدد كبير من الأصناف والأسعار.
وعقب أديب، خلال برنامج "الحكاية" المذاع عبر فضائية "إم بي سي مصر"، على حالة الجدل المثارة بشأن فواتير مطعم الشيف بوراك التركي، قائلا: "فجأة إلحق ده النفرين بياكلوا بـ 21 ألف جنيه، حرام عليكم ليه إنت مالك ده مطعم سياحي مش اللانش بوكس بتاع العيال".
وأضاف، "هو يعمل اللي عايزه وإنت مالك.. متاكلش عنده، وقول لأصحابك متروحوش لمطعم بوراك، في حد عايز يحسسك دايما إن في أزمة"، متابعا: "أنتم عملتم دعاية للمحل بمليون جنيه".
وتابع، "محدش واخد باله أن حدائق الأهرام بقالها 4 أيام معندهمش مياه.. ده موجعكوش، بس لما جه بوراك وفاتورته اللي بـ 14 ألف اتكلمتوا"، لافتا إلى أن من يدخلون مطعم بوراك "مش بيبصوا هيدفعوا كام، ومش مستني تخفيض".
