علق محمود فايز المدرب المساعد لمنتخب مصر الوطني السابق علي اعتذار نجم الاهلي إمام عاشور بعد أزمته الاخيرة مع النادي .
وقال فايز عبر الصفحة الشخصية بموقع التواصل الاجتماعي فيسبوك: أنا مازلت أصر أن إمام عاشور (فنياً) هو النسخه الأقرب لكيڤين دي بروين في أفريقيا كلها… ومن المفترض مكانه في اكبر الانديه في أوروبا.
وتابع: فخرك وحبك للأهلي مفيش فيه جدال و اعتذارك لزمايلك حاجه محمودة ولكن الاعتذار عن خطأ مالوش علاقه بأي (حته تانية).
وأضاف: وأنا وانت والجمهور والساده المشاهدين عارفين انت قصدك مين، كابتن الخطيب بنفسه قال لك متخسرش جمهور الزمالك لان انهارده الغلط مالوش علاقه بأي (حته تانيه)… ووالله ما هتزود منك… علي العكس خالص هتقلل منك وتاخد من تركيزك.
واستكمل: وجمهور الأهلي مش هيحبك زياده شويتين بقصف الجبهات وكام استوري… الجمهور هيفتكر أهدافك وتحركاتك والتزامك واحترامك لسياسة النادي ولزمايلك ومدربك وجهازك الفني وحتي منافسك.
وأشار: ما يتبقي للاعب هو ما يقدمه للنادي والتضحيه للفريق في أرض الملعب… وكل ما عدا ذلك يذهب مع الريح .. والسلام عليكم ورحمة الله وبركاته.
