هاجم الاعلامي عمرو الدردير الإعلامي أحمد شوبير بعد تصريحاتة بشأن رفضه انتقال ابنه مصطفى شوبير لنادي الزمالك.
وكتب الدردير عبر حسابةه بموقع فيسبوك : مع احترامي ليك أنت يا كابتن شوبير ده تصريح ملهوش لازمة ومفيش مناسبة تقول كده وتقارن بين مهنتك وانضمام نجلك لـ الزمالك وتضع خيار واحد منهم ، مصطفى نجم كبير وحارس مميز وكلامه دايما محترم وجمهور الزمالك بيحبه ومعندهوش مشكله معاه فتخيل مشجع زملكاوي برضو غيور علي ناديه يقرأ تصريحك ده ، هل هيفضل يحب ابنك وشايف أبوه بيعمل مقارنه غريبه بدون مناسبه أصلا !!
وعلق الإعلامي أحمد شوبير على إمكانية انتقال نجله مصطفى شوبير لنادي الزمالك أو اعتزاله للإعلام.
وقال شوبير خلال لقائه مع الإعلامية أسما إبراهيم في برنامج حبر سري: «ده أنا اعتزل واعتزل واعتزل.. ده محتاج.. أنا أحب مصطفى يفضل لاعب الأهلي وكابتن الأهلي ونجم الأهلي إلا إذا احترف بره يعني.. مع احترامي لنادي الزمالك.. اعتزل عن إنه يروح للزمالك إلا إذا الأهلي مشاه هو هيختار بقى ومصطفى أهلاوي عنيف يعني فاحترامنا للزمالك ملوش حدود .. والواحد لما يكون أهلاوي أهلاوي يكون صعب».
