نشرت الفنانة نشوى مصطفى تعليقا عبر صفحتها على موقع التواصل الاجتماعى “فيسبوك”، تعلن فيه عن وفاة زوجها.
وقالت نشوى مصطفى: “اللي بيحب ربنا ييجى يصلى صلاة الجنازة على زوجى ونور عينى وحبيبى وسترى وأبو ولادى — تعالوا والنبى مسجد حسن الشربتلى صلاة الضهر — أبوس إيديكم عايزة ناس كتير تيجى والنبى - الله يراضيكم تعالوا كلكم — ادعو له بالرحمة وادعولى أنا وولاده بالصبر والثبات — مسجد حسن الشربتلى التجمع الخامس - هتلاقوه على جوجل ماب — شيرو كتير”.
نشوى مصطفى
كشفت الفنانة نشوى مصطفى عن مفاجأة من العيار الثقيل بشأن مسلسل “ضمير أبلة حكمت” الذى شاركت فيه مع الفنانة الكبيرة فاتن حمامة.
وقالت نشوى مصطفى، خلال لقائها في برنامج "ساعة ونس" من تقديم مراد مكرم عبر قناة “cbc سفرة”: "دوري اللي عملته في "ضمير أبلة حكمت" دا كان دور عبلة كامل، ولما اختارونا أستاذة فاتن حمامة قالت نشوى تعمل دور عبلة، وعبلة تعمل دور "أبلة تقى" اللي هي المدرسة بتاعة "عبير" اللي بتدافع عنها واتبدلت الأدوار".
وأضافت نشوى مصطفى: "عبلة أنا بعتبرها قدوة بالنسبة ليا عندها طريقة خاصة في التمثيل مدهشة وعملت أدوار مختلفة مثل دور فتاة ليل في "سارق الفرح" بشكل مختلف، عملت فيلم "اللمبي" ودور كوميدي، هي جوكر، ممثلة مختلفة وجبارة وأتمنى ترجع تمثل تاني".
