علق الإعلامي إبراهيم سعيد، على مقطع الفيديو المتداول لـ لاعبي الزمالك داخل ميكروباص بعد مباراة أبو قير للأسمدة في كأس مصر.
وقال إبراهيم سعيد، في تصريح تليفزيوني عبر شاشة النهار: "للدرجادي وصل الحال بـ نادي الزمالك إنه مش قادر يوفر أتوبيس للعيبةتروح المباراة، الأزمة المالية وصلت بيهم لهذه الحالة".
وأضاف: "المنظر مكنش كويس خالص، والحاجات دي بتقل من نادي الزمالك، ومحدش بعد كدة يتكلم على راعي، أو يقول النادي الأهلي الناحية التسويقية أكبر من الزمالك".
وتابع : "مين الراعي اللي هيجي لنادي الزمالك، وهو مركب لعيبته ميكروباص، لأن اساسًا الراعي بيحط إعلانته على الأتوبيس".
واكمل: "المتعارف والطبيعي إن لو في 2 لعيبه بيركبوا الأتوبيس، ده فرض على النادي، لأن معاهم الأدوات ولبس اللعيبة، ده الدرجة التانيةوالتالتة مفيش المنظر ده".
وواصل"الحاجات دي بتدمر أي لعيب، وبتخلي شكلهم مش حلو، اللعيبة في الفيديو مش مبسوطة، ويمكن الوحيد اللي مبسوط ناصر منسي".
وأشار إلى أن مفيش حاجة اسمها لعيب يروح المباراة بشبشب، زي اللي لابسه ناصر منسي، فين مدير الكرة عبدالواحد السيد من الكلام ده.
