اعملي رز باللبن والعبي كورة .. ازاي تدلعي جوزك على طريقة ياسمين عز .. بوابة المساء الاخباري

أثارت الإعلامية ياسمين عز الجدل من جديد بعد تصريحاتها الأخيرة التي وجهتها للسيدات عن طريقة الدلع والمعاملة التي تقدمها الزوجة للزوج.

وتفاعل عدد كبير من الرجال على فيديوهات ياسمين عز في برنامج كلام الناس خلال الساعات الماضية، بعد النصائح المثيرة للجدل، قائلين “أيوة فعلا كلامك صح، قولليهم يدلعونا".

أبرز نصائح ياسمين عز للمتزوجات 

ووجهت ياسمين عز حديثها للمتزوجات قائلة: "في يوم الأجازة بدل ما تقعدي فاضية والشيطان يقولك إطلقي، قومي إعملي لزوجك رز بلبن وهاتيله مكسرات، ولو بيدخن حطيله الطفاية جنب الريموت.. ولو مفيش طفاية حطي إيدك إنتي أولى من الغريب".

وتابعت، “قدمي لجوزك الهدايا من وقت للتاني، ولو معاكي دهب في الدولاب، قومي هاتيه وقدميهوله، وخليه يحس بالتميز”.

وأضافت،"كمان ممكن تشاركي جوزك اهتماماته، يعني اتفرجي معاه على مباريات كرة القدم، ولا اقولك قومي العبي معاه كورة عادي".

كما نصحت ياسمين عز السيدات بالتخفيف عن زوجها أعباء الحياة والمصاريف قائلة “ خففي الأحمال على جوزك البسبوسة، حتة الجاتوه بالكريمة، الناس كلها عندها أحمد عادي، وأنتي عندك أحمد برو ماكس”.

وتابعت، “متكتميش على نفس جوزك يوم الأجازة، روحي عند أمك وخليه يقعد لوحده مع أحزانه”.