خلف قفص الاتهام وقف «ناصر» يرد على أسالة القاضى أنت متهم بقتل المحني عليه «محمد» ليرد الأخير مبررا فعله بحق نجل مالك مقهى أسوان بالكوربة في مصر الجديدة «كنت بدافع عن نفسي يا فندم».
وتستكمل «الأسبوع» نشر نص أقوال «ناصر. ص»، المتهم بقتل «حمص» ذبحًا في شارع الكوربة بمصر الجديدة بالقاهرة، في القضية رقم 10058 لسنة 2024 جنايات مصر الجديدة والمقيدة برقم 3404 لسنة 2024 كلي شرق القاهرة، والمعروفة إعلاميا بـ مقتل نجل صاحب مقهي أسوان.
وأجلت محكمة جنايات أول درجة شمال القاهرة، اليوم الخميس الموافق 7 نوفمبر 2024، أولى جلسات القضية بعد 7 أيام من ارتكاب الجريمة عقب إحالة المتهم لمحكمة الجنايات، إلى جلسة اليوم الأول من ديسمبر لتمكين الدفاع من الاطلاع على أوراق الدعوى.
س:ما هي طبيعة تلك الخلافات؟
ج: في خلافات بيني وبين محمد عبد الرازق كتير ومن حوالي خمس سنين حصلت بينا مشكلة واتخانقنا مع بعض وضربنا بعض وبعدها والناس جت حاشت والموضوع خلص ومحمد كان واحد حصة في العمارة اللي في الكوربة مكنتش عايز يكون ليه حصة في العمارة اللى أنا فيها وكان في قضايا كثير بينه وبين صاحب العمارة ولما كنا بنشوف بعض كان بيحصل ساعات مشادات لكن الناس كانت بتحوشنا.
س: ومتى نشأت تلك الخلافات؟
ج:منذ حوالي خمس سنين تقريبا.
س: إلى أي مدى تطورت تلك الخلافات بينكما؟
ج:كان يحدث بينا مشاكل و اتخانقنا مع بعض وضربنا بعض من خمس سنين والناس في البلد حلت ما بنا ولما كنا بنشوف بعض كان بيحصل ساعات مشادات بنا لكن الناس كانت بتحوش.
س: ما هي كيفية ارتكابك لتلك الواقعة؟
ج: أنا وجدته ماشي أمام محل العصير بتاعي ويزعق لأن في خلافات سابقة بينا فخرجت من المحل وكان معايا مطواة في جيبي وكنت قرفان منه ومن المشاكل اللي بتحصل بينا طلعت المطواة ودخلت على محمد عبد الرازق وضربته بها أكثر من ضربة ومش فاكر كام ضربة تقريبا ووقع على الأرض وفضلت أضرب فيه بالمطواة ووقعت فوقه على الأرض ومحستش بنفسي لقيتني عمال أغرز المطواة في بطنه والناس اتلمت وقعدت تحوش و انا مكنتش عايز اسيبه وفضلت أضرب فيه لحد ما الناس حاشتني و الأهالي يضربو في بالكراسي عشان أقوم من عليه لكن استمريت أضرب فيه وبعدها قلتله انت اللي وصلتني اني أعمل فيك كدا وبعدها الناس حاشتني وقومتني من عليه.
س: هل اشترك معك أحد في ارتكاب الجريمة؟
ج: لا أنا طلعت ضربته بالمطواة من نفسي محدش تانى ضربه غيري.
س: هل قام بتحريضك ثمة أشخاص على التعدي على المجني عليه؟
ج: لا
س: متى بدرت إلى ذهنك تلك الفكرة؟
ج: لما لقيت محمد ماشي قدام محل العصير بتاعي وعمال يزعق طلعت عليه بالمطواة و جتلي فكره أني أضربه أول ما شوفته وضربته.
س:ما هي كيفية إعدادك وتنفيذك للجريمة؟
ج: أنا لقيته داخل عليا وعمال يزعق طلعت المطواة من جيبي وضربته بها
س: وما هو المخطط الإجرامي الذي أعدته نفاذا لتلك الفكرة؟
ج: أنا كنت زهقان منه ومش طايقه لقيت نفسي بطلع المطواة من جيبي وبضربته بيها وفضلت أضرب فيه كثير والناس كانت عماله تحوشني و أنا مش راضي أبطل ضرب فيه بالمطواة.
س هل اشترك معك أحد في ذلك؟
ج: لا محدش اشترك معايا.
س وما هو السلاح أداة التي استخدمتها في ذلك التعدي على المجني عليه؟
ج: هي مطواة قرن غزال.
س: كيف تحصلت على ذلك السلاح الأبيض؟
ج: أنا اشتريته من سوق العبور.
س:وهل اعتدت حملك لذلك السلاح الأبيض؟
ج: ايوه
س: ولم تعتاد ذلك؟
ج: بسيبه معايا في جيبي على طول وساعات بقطع بيه حاجات في محل العصير بتاعي.
س:وما عدد الطعنات والضربات التي كالتها للمجني عليه؟
ج: انا ضربته كذا ضربة لكن مش فاكر كانت كام واحدة لأن الدنيا كانت زحمة وكان في دوشة و أنا كنت زهقان منه و مفكرتش في عدد الضربات والطعنات.
اقرأ أيضاً
2 ديسمبر.. الحكم على المتهمين بخطف «محامي حلوان»ننفرد بنشر نص أقوال المتهم بقتل «حمص» نجل صاحب مقهى أسوان بالكوربة
أخبار متعلقة :