رفضت الانجاب لهذا السبب.. خالد الصاوى : ألحدت لفترة من عمري.. فيديو .. بوابة المساء الاخباري

بحالة من الحزن والبكاء كشف الفنان خالد الصاوى عن تفاصيل عدم إنجابه وما حدث معه فى فترة مرضه. 

وقال خالد الصاوى فى لقاء مع الإعلامى نزار الفارس : ندمت إني مخلفتش، الجواز لازم يبقى بدري لو خلفت دلوقتي هبقى جده مش أبوه هحبه بس مش هلحق أكمل معاه المشوار وأنا مخلفتش عشان كان عندي فيرس سي وكنت بتعالج منه وأخدت حاجة زي "سم" بيتعقب الفيروس في الجسد عشان يسممه، جسمي كان فيه فيروس وسموم هخلف ليه، لكن دا برضو مكنش قرار صحيح. 

خالد الصاوى

تحدّث النجم خالد الصاوي عن فترة الثلاثينيات والأربعينيات من عمره عندما سلك طريق الإلحاد وكيف عاد منه إلى طريق الصواب.

قال خالد الصاوي: "كنت ملحد سنين، كان بالنسبة لي القضية إزاي؟ كان عندي إيمان قلبي شوية، في نوع بيسموه الإلحاد بس صوفي، بمعنى، إنها قضية لا يمكن حسمها، 50% فيه إله، و50% مافيش، لأنه الحواس مش موصلة لك، والاستنتاج العقلي بيدي لك الاتنين، ممكن يقول لك أحيانا طبعا في إله، وأحيانا تانية يقول لك لأ، أنا وصلت لها بالقلب مش بالعقل".

وتابع: "لما بليل بتعرض لموقف وأبقى حاسس إن أنا هموت وهتشل أو هروح المستشفى، وأقول يارب انقذني، ليس من الرجولة بقى ولا النخوة إنك تصحى الصبح وتكفر به، وكذا مرة ينقذني في اللحظة الحرجة، بس لو أنت شوفت بيعمل معايا ايه وبينقذني إزاي لازم تؤمن".

واختتم حديثه برحلة تعاطيه المخدرات قائلاً : "طبعًا، وصلت للحافة من كل شيء، ما بين الحياة والموت، وما بين العقل والجنون ومابين المشروع والجريمة".