القاهرة - محمد ابراهيم - كشفت الفنانة صابرين، عن أسرار نحافتها واستمرارها على نظام غذائي، وغيرها من الأمور.
صابرين تتحدث عن طلاقها
وقالت صابرين في لقاء تليفزيوني: "بقالي أكتر من سنتين شبه منفصلة، وبشكر كل الصحافة لأن لما نزل الموضوع احترموا كلمتي لما قلت إني منفصلة من زمان ومش بحب أتكلم في حياتي الشخصية، وبحترم أبو أولادي جدًا، وبقالنا فترة كبيرة منفصلين ومش خبر جديد علشان نتكلم فيه فاحترموا ولادي بس".
صابرين تكشف عن هذا السر
وتابعت:" أكثر شيء يعجبني في تعليقات الجمهور هو مقولة إحنا مصدقينكم، ودي أهم حاجة في العمل إنك تاخديهم ويصدقوكي، مش مين لابس إيه وشكله عامل إزاي والشنط والسينيهات والبرندات لكن طريقة التمثيل بسيطة".
اعرف سر نحافة صابرين
وأشارت:"بقالي فترة كبيرة، بعد مسلسل ليالينا 80، بدأت أعمل لايف استايل في الأكل بالراحة، وبصراحة مش هكذب على الجمهور كان فيه مساعدات خارجية، وقعدت فترة باخد الحقن والإبر للتخسيس، وساعدتني أوي بس وقفت بسرعة".
وواصلت:" ما نصحش بيها لكنها جابت نتيجة معايا وبعدها استمريت في النظام الغذائي دون إبر لما لقيت الدنيا مشيت، وأنا مش من النوع الأكيل لكن الحقن ساعدت في الحرق، فلقيت نفسي بنزل بسرعة ومع الاستمرار على النظام الغذائي لقيت الدنيا لذيذة وأحلى صحيا وشكلا وموضوعا".
آخر أعمال صابرين
والجدير بالذكر آخر أعمال صابرين مسلسل مسار إجباري، ويضم المسلسل مجموعة من الفنانين أبرزهم أحمد داش، عصام عمر، بسمة، جورى بكر، مى الغيطى، رشدى الشامى، محسن منصور، وعدد آخر من الفنانين، وتدور أحداثه فى إطار اجتماعى مشوق.
معالجة درامية باهر دويدار، وسيناريو وحوار أمين جمال، محمد محرز، مينا بباوى، وإخراج نادين خان، وإنتاج المتحدة للخدمات الإعلامية.
هيثم هارون
بكالوريوس تربيه وماجستير في علوم السياحه من جامعة الأقصر ومتخصص في علوم السياحه والتحرير الاخباري التلفزيوني والصحفي.