قتلتها وقطعت رأسها ورجليها ورميتهم في الزبالة.. نص اعترافات المتهم بقتل «سيدة النهضة» - بوابة المساء الاخباري

حصلت «الأسبوع» على نص تحقيقات القضية رقم 6414 لسنة 2024 جنايات السلام ثانٍ، والمتهم بها مسن بقتل جارته «سماح» وتقطيع جثمانها إلى أشلاء وإلقاء جزء من جثمانها في مقلب قمامة مع الاحتفاظ بباقي الجسد في ثلاجته في منطقة النهضة بمحافظة القاهرة في الواقعة المعروفة إعلاميًا «تقطيع سيدة النهضة».

واعترف المتهم «علاء» أمام جهات التحقيقات قائلاً: «اللي حصل إن كانت في ماسورة مياه تسرب من شقة جارتي علي باستمرار وكنت بقولها ديما صلحي الماسورة، الشقة كلها ميه وفي كهرباء وأنا بتكهرب كل شوية، لم ترد ولا تعمل حاجة، حتى قلت لشيخ اسمه سيد الله يرحمه يذهب لها وقال لها تقوم بإصلاح الماسورة، لكنها لم تستمع، وقالت له مش هعمل حاجة والراجل مشى من عندها وقال لي وأنا معرفتش أعمل حاجه، وكانت دائماً تتشاجر مع السكان مع إنها كانت كويسة».

وقال المتهم أمام النيابة العامة:«كانت دائماً تتشاجر مع السكان مع إنها كانت كويسة، فجأة حالها انقلب، يمكن بسبب ضيق الحال معرفش مع أن الناس كلها في البلوك كانت بتسا عدها بما فيهم أنا، وكانت علاقتي بها جيدة حتى كانت بتنزل تشتغل يومين ثلاثة ويمشيها وكانت بتقولي إن هم بيمشوها من الشغل عشان عاوزين ناس أحلى وشكلها أجمل منها، وكانت عاملة مشاكل مع السكان كلهم وكانت بتعمل قواضي وتطلبهم النجدة كل شوية و تقول واحد اتحرش بيا ومرة واحد سرقني وكانوا كلهم بيتحبسوا، وفي مرة حتى به ضابط من القسم قالها يعني الناس كلها غلط و انتي اللى صح.

وشرح المتهم في تحقيقات النيابة:«وفي يوم وأنا واقف في البلكونة وهي فوق قالت الناس قليلة الأصل إلى مبيخرجوش يشهدوا شهادة حق ومردتش عليها، وبعدين قبل الموضوع ده بيوم كده القيتها على السلم قلت لها انت فتحتي الهويس عليا أنا الشقة كلها ميه وأنا مش معايا فلوس للكلام ده ولا تكلفة علشان أصلح الماسورة، وكانت تزعق وتتكلم معايا بطريقة وحشة جدا».

وذكر المتهم في تحقيقات النيابة:« في يوم جاتني وقالت لي أنا عاوزاك تشهد شهادة معايا إن الناس بتسرق و تتحرش بيا وأنا مرضتش ففضلت تزعل معايا وتقولي ماشي وأنت حر، وبعد كده يوم الحادثة الصبح وأنا في الشقة لقيت خبطة خفيفة على الباب فتحت لقيتها هي دخلت وقفلت الباب وراها قالت لي أنت متحرشتش قبل كدة بحريم قلت لها ايه إلى بتقوليه ده قالتلي هتيجي تشهد معايا غصب عنك، فقمت بضربها بالقلم على وجهها، ثم ظلت تصوت بصوت عالي وسعتها قلت لازم اخلص منها وأخلص البلوك كله منها، وفضلت كاتم صوتها علشان محدش يسمع وقلت انا هنتقم منها وفضلت كاتم نفسها لحد ما ماتت خالص».

وتابع المتهم:«بعد ما ماتت قلت أنا هعمل ايه دلوقتي لو الناس دخلت أو شافتها كده هتقول فيه وممكن يقولوا أن عملتلها حاجة ولا اتحرشت بيها والصويت اللي كان ده من عندي، فقلت هقطعها ولا من شاف ولا من دري أنا مخلص منها وأخلص الناس كلها منها، وبدأت من الساعة ١٠ الصبح و أنا كلي كبت وانتقام منها وكان عندي نشوة كده مبسوط قوى وسعيد وأنا بقطعها، وبدأت أفصل رأسها وذراعيها و وأقطعها ومن ١٠ الصبح لحد ١٢ بليل كنت بتفنن إني أعمل كده وبعد ما خلصت، روحت لصندوق حطيت جزء وعند السور الخرساني جزء».

اقرأ أيضاً
بعد التصالح.. 20 نوفمبر نظر معارضة إمام عاشور على حبسه 6 أشهر

بعد واقعة الطبيبة وسام شعيب.. رئيس هيئة النيابة الإدارية يكلف بإجراء تفتيش لمستشفى كفر الدوار